Татарстан Рәисе Рөстәм Миңнеханов һәм изге Патриарх Кирилл очрашты

Очрашуда Казан һәм Татарстан митрополиты Кирилл һәм республика мөселманнары Диния нәзарәте башлыгы, Татарстан мөфтие Камил хәзрәт Сәмигуллин катнашты.

Рөстәм Миңнеханов Изге Патриархка Казанга визиты һәм Казан Богородица монастыренең Тула Никола храмын изгеләндерү чинын башкаруы өчен рәхмәт белдерде.

«Бу мөһим вакыйга чиркәүнең һәм дәүләтнең рухиятне торгызу һәм тарихи гаделлекне торгызу эшендә нәтиҗәле хезмәттәшлеге турында сөйли", — диде республика Рәисе.

Ул Татарстанда православие һәм мөселман конфессияләренең конструктив багланышларын билгеләп үтте: "Без барлык конфессияләр вәкилләре өчен дә уңайлы булсын өчен тиешле шартлар тудырырга омтылабыз".

Рөстәм Миңнеханов ассызыклаганча, яңадан торгызыла торган Казан Богородица монастыре Россиянең мөһим рухи доминантына әверелә һәм казанлыларны һәм шәһәр кунакларын җәлеп итә.

Республика Рәисе шулай ук Рус чиркәве башлыгына быел үзенең 300 еллыгын билгеләп үтүче Петропавел соборында булганы өчен рәхмәт белдерде. «Без сезнең республикабызга карата яхшы мөнәсәбәтегезне бик югары бәялибез. Сезне кабат кунакчыл Татарстанда күрүебезгә шат булачакбыз", — диде Рөстәм Миңнеханов.

Изге Патриарх ассызыклаганча, Татарстан төрле конфессияләр вәкилләре арасында дустанә мөнәсәбәтләр урнаштыру үрнәге булып тора. "Мин беркайчан да бернинди тискәре сигналлар алмадым. Бернинди конфликтлар, шикләр, көндәшлек юк. Татарстан — динара хезмәттәшлекнең искиткеч үрнәге. Төрле дин кешеләренең, ләкин бер ил гражданнары буларак, үз җәмгыятьләре һәм дәүләтебез файдасына бергә хезмәт итә алуы үрнәге. Сезгә аерым рәхмәт белдерәм. Сезнең православиегә һәм исламга мөнәсәбәтегезгә карап, калганнарның барысы да динара багланышларны югары дәрәҗәдә саклап калу зарурлыгы белән сугарыла", — дип билгеләде Патриарх Кирилл.

Әңгәмә тәмамлангач, Патриарх Россиян Хезмәт Герое, Татарстан Дәүләт Киңәшчесе Минтимер Шәймиев һәм Россия Президентының Идел буе федераль округындагы Тулы вәкаләтле вәкиле Игорь Комаров белән очрашты.