Татарстанда медиа өлкәсендә хезмәт хакы республика буенча уртача күрсәткечләрдән түбәнрәк

Әмма бу республика буенча уртача күрсәткечтән (86 мең сум) түбәнрәк. Бу турыда «Татмедиа» Республика матбугат һәм массакүләм комиуникацияләр агентлыгының коллегия утырышында ведомство җитәкчесе Айдар Сәлимгәрәев әйткән сүзләргә сылтама белән Татар-информ яза.

«Тармакта уртача хезмәт хакы, НДФЛны исәпкә алып, 65 мең 764 сум тәшкил итә, ләкин ул әле республика буенча уртача эш хакыннан шактый түбән», — диде ул һәм 2024 елда хезмәт хакы 52 мең 096 сум булганын искәртте.

Айдар Сәлимгәрәев әйтүенчә, бүген медиа өлкәсендә эшләүчеләрнең уртача яше — 44 яшь. 2014 елдан тармакта хезмәткәрләр саны 30 процентка кимегән.

Агентлык җитәкчесе медиа өлкәсенә яшь кадрлар җәлеп итү буенча эш алып барылганын билгеләп узды.

Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.