Казанда яшәүче чирмешәнлеләр ифтарда очрашты

Казан шәһәрендәге “Чирмешәнлеләр” якташлык иҗтимагый оешмасы республика башкаласының Ярдәм мәчетендә ифтар мәҗлесе уздырды.

Анда кунаклар дин, гаилә кыйммәтләре, үзара мөнәсәбәтләр һәм Аллаһка якынаю турында үтемле вәгазьләр тыңладылар. Сый-нигъмәткә бай табында арабыздан киткән якташлар искә алынып, әрвахлар рухына Коръән укылды.

-Мондый очрашулар якташларны берләштерә, араларны якынайта, күңелләргә тынычлык өсти. Оештыручыларга һәм ярдәм күрсәткән барлык кешеләргә рәхмәт, — диде Казан шәhәре “Чирмешәнлеләр” якташлык җәмгыяте рәисе Раушания Сәүбанова. — Чирмешән районы башлыгы Рамил Айбатов җибәргән күчтәнәч — бавырсак та бик тансык ризык булды.