Танылган актерның мәетен елгадан тапканнар

Актёр Александр Высоковскийның гәүдәсен Мәскәү өлкәсендәге елгадан тапканнар, дип хәбәр итә ТАСС оператив хезмәтләрдәге чыганакка сылтама белән.

«Беренчел мәгълүматлар буенча, Высоковскийның гәүдәсен Мәскәү астында Окада тапканнар», – дигән агентлык әңгәмәдәше.

Высоковский 62 яшендә вафат булган. Ул «Бригада» сериалында Макс Карельский роле, шулай ук «Бумер» фильмында, «Марш Турецкого» сериалында, «Ундина» һәм башка фильмнардагы рольләре аша тамашачы мәхәббәтен яулады.